Inicio

 >> Como Chegar...(Cangas)

  :: Rueiro de Cangas

O Concello de Cangas do Morrazo está situado no extremo sudoeste da península do mesmo nome, en pleno corazón das Rías Baixas galegas, entre as rías de Vigo e Pontevedra e flanqueado polas Illas Cíes e Ons. Para descubrir toda a súa riqueza, compre dar unha volta polas súas cinco parroquias: Aldán, Darbo, Hío, Coiro e Cangas. Hai que tomarse un tempo e gozar duns días na nosa terra, descubrir as súas xentes e as súas tradicións, a beleza das praias e da paisaxe, a rica gastronomía e o abondoso patrimonio histórico artístico.

Cangas goza dun clima excepcional de tipo oceánico, húmido, con invernos moi suaves e veráns secos e cálidos. Testemuño do anterior é a temperatura media anual que acada os 16º C; sendo a temperatura media en xaneiro entre 10 e 12º C, e nos meses de verán entre 20 e 22º.

Cangas atópase perfectamente comunicada por medio de vías terrestres, marítimas e aéreas. Por estrada a vía de comunicación máis importante é a
PO-551 que comunica a comarca coa vertiente da Ría de Vigo e Pontevedra.
No seu percorrido pasa polas vilas de Moaña, Bueu e Marín. Dende Vigo pola autoestrada do Atlántico, A-9, cruzando pola Ponte de Rande.

As estacións de autobuses de Vigo e Pontevedra teñen servicios regulares.

Moi recomendable resulta a travesía en barco que nos permite ter unha panorámica da Ría de Vigo e as vilas que como Cangas se asoman ó seu mar. Os barcos entre Vigo e Cangas saen cada media hora en ambas direccións, o tempo da viaxe é duns vinte minutos. No verán hai servicio ás Illas Cíes.

Aeroportos próximos son o de Peinador en Vigo a 30 Km, e o de Lavacolla en Santiago de Compostela a 75 Km. Ambos conectados directamente coa Autoestrada do Atlántico.

Aeroporto de Peinador. Telf: 986 268 200

Aeroporto de Lavacolla. Telf: 981 547 500

Dende as estacións de ferrocarril de Vigo e Pontevedra, distantes uns 25 Km, hai boa conexión cos autobuses que levan a Cangas.